Canon 6D Mark ii包膠

呢部機就咁睇spec好似無咩特別，但係無咩特別得嚟又用得幾順手😂

一攞上手第一個感覺就係好輕，但係又好扎實，所有按鈕都好就手。一部好嘅相機係要講求手感。成日要渣嘅嘢，就梗係揀啲吸手架啦！唔通你想渣啲三尖八角嘅咩🙈 695g呢個重量龍友覺得啱啱好，配鏡頭又唔會禁易頭重尾輕，就算成日拎住嚟影都唔會攰。唔似得有啲無反body做得輕過龍，唔好揸手又好易頭重尾輕🙄

▲龍友將6D mark ii 加支50mm f1.8 STM，呢個應該係Canon系統最平最輕嘅Full frame組合，呢個組合異常地好用😎 好適合龍友影下啲日常生活嘢，放下IG 同Facebook嗰啲。6D mark ii 係市面上暫時唯一擁有多角度touch screen嘅full frame機，配埋Canon嘅dual pixel AF，基本上對焦就係用live view篤下個mon就搞掂，無論你開servo定one shot都勁快反應，用起上嚟真係方便到爆👍🏼

講返大家都好關心嘅影像質素啦！首先龍友又唔覺得6D mark ii係傳聞中禁差喎🤔 衣家好多網頁連機都未掂過就話出review，又有啲鬼佬網好鍾意攞啲直出嘅JPEG係度話dynamic range唔得，真係唔係龍友親身玩過都差啲比佢哋呢啲吹到似層層嘅review呃咗🙄 高iso表現明顯比上一代進步咗，解像度由20.2MP提升至26.2MP，啲相睇落比起上一代更sharp醒，顏色同white balance都準咗。

shot with 6D mark ii：

龍友覺得入門嘅Full frame機係一個好緊要嘅option。可能係攝影新手，可能係由APSC機升級嘅發燒友，可能係想影小朋友嘅爸爸，又可能係專業攝影師嘅backup機。

6D mark ii 就係無咩特別，但係非常稱職嘅Full frame單反。