DxOMark有無參考價值？
答案係無。圖都無張都可以話係 The Reference For Image Quality?
龍友每日都會接觸好多攝影有關嘅資訊，而最經常聽人提到嘅其中一個網站就係來自法國嘅 DxOMark。佢嘅測試標準主要有三項：1)色彩深度；2)感光元件寬容度；3)低光iso可用度。詳情我留條link俾大家自己入去研究下。
DxOMark嘅測試有幾準確龍友就唔知啦，但係佢啲測試就一張圖都無嘅，淨係得啲chart阿數目字咁，睇完基本上都唔知佢up乜9🌚
早兩三日佢就發佈咗個Nikon D850嘅測試，話有100分！然後龍友就喺各大嘅平台開始見到有啲人話D850係最勁，天下無敵，其他所有機都係廢嘅etc。
部機有咩功能？好唔好操作？重唔重？電量表現如何？全部都唔知🙄
呢啲測試總要有人做嘅，但係對於攝影師來講，龍友就覺得冇咩參考價值啦！今時今日雖然資訊禁發達，但係一部相機啱唔啱自己，就真係要自己過濾下先好信啦！
